طريقتي في ترتيب المنزل باسرع وقت ممكن

مش هتندمي خااااااااااااااالص
يا جماعة انا سني صغير انا عندي 13 سنة ولكن الحمد لله بعمل جزء كبير من ترتيب البيت يوميا او بمعني اصح برتب البيت يوميا واوقات بغسل الاطباق واوقات بنشر الغسيل والمه وبمسح البتوجاز وبعمل اصناف اكل كتير زي المكرونة والبيض المقلي والمسلوق والشاي باللبن وحجات تانية كتير وكل ما امي تنزل تروح الشغل وابقي انا ملزمة اني اروق البيت واحضر شوية حاجات علشان الغدا لما ماما تيجي يكون سهل عليها فجربت اعمل مرة الطريقة دي وانا بروق والحقيقة خلصت بسرعة وعملت اكتر من المكلفة بيه :انا جبت كيس كبير من بتوع الزبالة وقمت علقته في ايدي ومشيت في الشقة كلها الاقي ورقة ولا علبة فاضية ولا اي حاجة احطها في الكيس بسرعة وبعدين دخلت ركنت الكيس علي جمب ومسكت القماشة الناشفة والقماشة المبلولة كل واحدة في ايد ومشيت بردو في كل الشقة امسح الخشب والقزاز بالناشفة والمرايات والرخام بالقماشة المبلولة سبرتو وبعدين رحت غسلت القماشات وحطيتهم في شباك المطبخ ينشفوا ودخلت علي الشقة وانا ايدي فاضية ومسكت كل كرسي وكل كنبة وكل سرير وكل ترابيزة رتبتهم وساويت مفارشهم ولو كانوا محتاجين يتغيروا غيرتهم وبعدين مشيت في الشقة ومعايا سلة الغسيل الم اي فوط او هدوم مش نضيفة واحطها في السلة واحطها عند الغسالة وبعدين مشت في الشقة واي حاجة مش في مكانها اخدها في سكتي وبعدين الف علي اماكنهم اوديها فيهم وبعدين قمت دخلت جبت المكنسة الكهربائية وكنست كل البيت والستاير واخيرا الحمام والمطبخ بسرعة بسرعة مسحت الارضيات بالمنظف وبعدين نشفتهم وحطيت مناشف نضيفة علي الفواطة وحطيت ورق التواليت ومليت علبة الشاور ونضفت الحوض والتويلت سيد ودخلت علي المطبخ غسلت الاطباق ومسحت البوتجاز وطلعت قدام باب الشقة كنست الارضية بالمكنسة اليدوية ودخلت الشقة ولعت البخور في الصالة وشغلت الكمبيوتر وقعدت وكنت خلصت قبل الوقت المتوقع بساعة قريبا وفايدة الحكاية دي اني لو تعبت ومش قادة اكمل يبقي انا علي الاقل لميت الزبالة او مسحت حاجة ولكن مكونش روقت قوضة وسيبت بقية القوض خرابة